ترجمه تاريخ نوادر چين ماچين [ مقدمه ] آغاز سخن به كه كند مردم دانا * بر نام خداوند تبارك و تعالى سر دفتر قانون كتبخانهء دانش * حمد است و ستايش صف حضرت اعلا منشور سلاطين ممالك نرود پيش * كر تاج هويت نبود بر سر طغرا شاهان جهاندار و سلاطين جهانبخش * برداشته در حضرت او دست تمنا بر سدهء فرمانش نهاده بر تسليم * صامى و مجوسى و يهودى و نصارا سپاس عبوديت اساس اخلاص لباس اول حكم‌شناس حضرتنه كه افتقسطوا ان الله يحب المقسطين بيوروب جمهور امور معدلت سلوك مكارم اخلاق و مراسم قوانين و اشعار ايله تخليهء و سيعلم الذين ظلموا اى منقلب ينقلبون بيوروب احكام و حكام انامى غمام ظملم عقوبت انجامدن تخليه ايليوب عدل و احسانى امن و امان ايله تو امان و رابطهء رفاهيت عالميان اولمغين ان الله يأمر بالعدل و الاحسان بيورمشدر قوانين بياض صحايف افلاكده مرقوم اولان همهء موجودات دائره علمنده داخل و سواد مركز خاكده مرسوم اولان كليات و جزئياتكه پركار پركار حكمتى شاملدر خزائن مشيت كامله سنده مخزون اولان جواهر اسرار اموره علم شامل مفتاح اولوب دويجار ادات ماهره سنده مركوز اولان مضمرات و رموزه مشاعل قدرتى مصباحدر و عنده مفاتح الغيب لا يعلمها الا هوير قادر در كه لوح ابداع او زره قلم قدرت و اختراع ايله نسخهء مكونات و جريدهء قانون ممكناتى بر دمده سواد عدمدن بياض وجوده كتوروب طراز كاركاه كائناته انار قدرتنى بر طرزايله تحرير و بر مثال ايله تصوير ايتمشدر كه و قتايجاددن ابدالاباده دكين وجود هر موجود تقديرينه مطابق و هر حكم